احذروا مكتب الديب النصابين بالتجمع 01008601259 - 01023000706 - 01120149624
ياريت الناس كلها تاخد بالها من المكتب ده كويس علشان محدش يقع ضحية نصب زى ما كان هيحصل معانا وربنا سترها , المكتب ده اسمه الديب ورا جهاز التجمع الخامس وبعد بنزينة التعاون صاحبه اسمه تامر 35 سنه تقريبا ومشغل معاه 2 كمان واحد فى سنه اسمه محمد وراجل كبير عنهم شوية علشان يسبكوا اللعبه على الناس ,,
وانا قررت انى اعمل الصفحه دى علشان محدش يقع فى الفخ اللى بيعملوه للناس زى ما كانو هيعملوه فينا لكن ربنا كشفهم ,, الناس دى بجد زى ما بنقول بالعربى ياكلو مال النبى ,, نصابين ومحتالين وبيعملو نفسهم سماسره لكنهم فى الاساس حراميه ونصابين ,, وحسبى الله ونعم الوكيل فى اللى يقبل ياكل مال حرام او يشارك فيه ,, الحكايه باختصار ان اخويا فى السعوديه وكان قايلى اشوفله شقه فى التجمع يشتريها سالت كذا مكتب وشوفت كذا حاجه وجيت عند مكتب الديب ده قابلت تامر ده وعرض عليا شقه سعرها 1,150,000 فى منطقة النرجس المهم الشقه عجبتنى واخويا شافها ووافق وتوكلنا على الله قولنا نشترى ,, المهم قالنا هنحدد معاد مع صاحب الشقه وتتفقو على السعر وكل حاجه قولتله تمام ,, جه صاحب الشقه ربنا يباركله بامانه طلع راجل محترم بعد ما قعدنا واتفقنا معاه على السعر انها تبقى 1,100,000 وكل حاجه تمام والراجل قام وخرج قبلنا علشان يمشى يروح بيتهم جينا ماشيين لاقينا الراجل منتظرنا ادام المكتب بس بعيد شويه وجه كلمنا قالنا على فكره انا اسف مش هبيع الشقة بالسعر ده فسالناه ليه قالنا باختصار ومن غير كلام كتير انا طالب فى شقتى 1,000,000 جنيه وهو قالى انه هيعمل عليكم فرق سعر اللى هو 100 الف وياخدهم هو بدل ما ياخد عموله منى ,, لكن انا طبعا استحرمت الكلام ده انتو هتخسروا 100 الف كده زياده عن العموله اللى هتدفعوها للمكتب بتاعه ,, بصراحه انا الاول شكيت فى كلام الراجل وقولت عايز يضحك على المكتب وميديهومش عموله ويخلص البيعه معانا من برا برا فقولتله طب هو هياخد منى 20 الف عموله للمكتب ليه يعمل كده ,, قالى بص روح على الشقه تانى هتلاقى يافطة مكتب متعلقه فى البلكونه ده مكتب تانى غير مكتب الديب ,, اتصل بيهم واعرف سعر الشقه كام ,, روحت فعلا تانى يوم جيبت رقم على اليافطه وسالت اللى بيكلمنى عن السعر قالى مليون جنيه نهائى يا فندم وغير قابل للفصال ,, ساعتها اتفقنا مع الراجل اننا نروح المكتب ده فعلا وندفعلهم عمولتهم رغم اننا كنا عرفنا بعض احنا وصاحب الشقه لكن الامانه تحتم علينا احترام الناس اللى بتشتغل بضميرها وتاخد اكتر من حقها طالما حلال ,,
وهكتب ارقامهم هنا علشان تاخدو بالكم منهم :--
01008601259 تامر النصاب
01120149624 تامر النصاب
01023000706 تامر النصاب
01014067719 محمد النصاب